Ask mr George

هلا بيكم تاني وصلنا استفسار من صديق الصفحة  JoSeph Melad   بيسال فيها عن ازاي اخد نسخة احتياطي من التوصيفات و ازاي اقدر اوصف كروت في الكومبيوتر مش موجودة عندي. قبل ما تكمل ، ماتنساش تعمل شير للصفحة بتاعتنا ، مجانا هاتتعلم ، مجانا ادي غيرك :)

صباح الخير ،  النهاردة حبيت اعرض لكم احصائية عن مرات زيارة الموقع و كمان البلدان اللي بتزور الموقع و التقرير بيعرض برضه شوية معلومات عن نظام التشغيل المستخدم و برنامج البراوزينج ، ما علينا  المهم اللي انا كنت متوقعه ان عدد الزوار الاساسي يجي من مصر ، لقيته من الولايات المتحدة ، غير كمان موضوع هولندا ده كان مفاجئ شوية :) اللي ضايقني ان اعرف واحد من صفحات شبه اوكا و اورتيجا ، الزيارة فيه بالمليون !! حقا بلد بتاعت $^#%^# صحيح ، و العلم يُكيّل بالبتنجان سلام Share on Facebook

هلا بيكم تاني النهاردة بناءا على رغبتكم هانتكلم في موضوع ازاي اعمل "بلوك Block" او "ان بلوك Unblock" -تشيل البلوك يعني - لحد على الفيسبوك. قبل ما تكمل ، ماتنساش تعمل شير للصفحة بتاعتنا ، مجانا هاتتعلم ، مجانا ادي غيرك :)

صباحكم سعيد ،  النهاردة هاقولكم على حاجة يمكن ما تكونش خطرت على بالنا قوي. ايه رايك لو تعرض كلمات الأغاني مع الأغنية نفسها ؟؟ الموضوع ده ينفع برضه في المحاضرات الصوت لو عايز تخلي الكلام يمشي مع اسكريبت مكتوب. باختصار كده صديقي مش بيعرف يقرا عربي و بيفهمه قليل شوية طلب مني ترجمة لاغنية لراغب علامة (فرغبة مني ان اقوي الصلة بينه و بين اللغة الام :) :)  ) رحت ترجمت له الاغنية و عايز اخليها تتعرض في نفس التوقيت اللي بيغني فيه :) طيب ايه اللي انا محتاجه علشان اعمل الموضوع ده: 1- ترجمت له الاغنية - و انت تقدر تجيب كلمات للاغنية الاصلية مثلا  2- برنامج Jet Audio و الصراحة النسخة اللي معايا كاملة :) 3- شوية وقت  نبتدي

 اهلا بيكم تاني من جديد ليه انا باكتب لكم دلوقتي بعد توقف سنة تقريبا  هاتسالوني وقفت ليه سنة هاقولكم لاني للاسف لم اجد دافع و حافز يخليني اكمل الناس تدخل تقرا الكلام و تعمله  و لا بلاقي اي تفاعل او اسئلة او شير او اي حاجة  حسيت ان الموضوع ممكن كان ينفع قبل كده و ان الناس خلاص مش محتاجة فكرة زي دي بالعربي  على العموم يمكن النهاردة اتسالت سؤال و جاوبت عليه فتح نفسي شوية اني افتح البلوج تاني تاني الفكرة اساسها ايه؟ ان فيه اسئلة بتقابلني من الناس اللي بدربها في الكورسات او معايا في الشغل فبدل ما اجاوب عليها كل مرة لكل واحد لوحده قلت احطها لكل الناس تستفاد بيها بس يفضل في الاول و الاخر ان الاسئلة بتاعتكم هي المحرك الاساسي للموقع و خصوصا ان اسئلتكم ممكن انا ماتخطرش على بالي لاني ممكن اعرف اعمل حاجات منها و ممكن لاني ما اتعرضتش لموقف زي اللي بتتعرض له في الشغل. يعني انتم اللي بتالفوا المحتوى بأسئلتكم اتمنى ان الفكرة وصلت و اتمنى ان تكون الاستفادة للكل