How to block - unblock people in facebook

هلا بيكم تاني النهاردة بناءا على رغبتكم هانتكلم في موضوع ازاي اعمل "بلوك Block" او "ان بلوك Unblock" -تشيل البلوك يعني - لحد على الفيسبوك.

قبل ما تكمل ، ماتنساش تعمل شير للصفحة بتاعتنا ، مجانا هاتتعلم ، مجانا ادي غيرك :)

الاول نعرف يعني ايه بلوك Block :

لما تعمل لحد بلوك على الفيسبوك كده مش هايقدر يشوف اي بيانات عنك و لا يفتح البروفايل بتاعك و لا يشوف الصور و لا يبعت لك طلب صداقة و لا يبعت لك رسالة الخ الخ الخ ...

في 8 خطوات هانعرف ازاي تعمل بلوك او تشيل البلوك :

زي ما اتعودنا هانمشي مع بعض في الخطوات زي الترقيم في الصورة :

1- في البداية هانضغط على ايقونة الاختيارات كما في الصورة 

2- هانختار منها الاختيار Privacy Settings 

3- هاتفتح شاشة زي في الصورة دي و هانختار منها الاختيار Blocking زي ما في الصورة

4- هاتفتح شاشة زي في الصورة دي و عند الجزء الخاص ب Block users هو اللي بنستخدمه علشان نعمل بلوك لحد. مكان ما السهم بيشير هاتكتب اسم الشخص زي ما بيظهر في بروفايله و تضغط على Block.

5- هاتطلع شاشة زي في الصورة دي و بيعرض لك فيها كل الاسماء اللي لقاها زي الاسم اللي انت كتبته ، انت بتشوف اي واحد فيهم اللي عايز تعمل له بلوك و تضغط على بلوك Block اللي بجانب اسمه ، طبعا تقدر تعمل بلوك لاكتر من واحد في المرة الواحدة.

6- هاتطلع شاشة زي في الصورة دي وبيقولك متاكد ان انت عايز تعمل بلوك ، لان الشخص ده مش هايقدر يشوف التايم لاين ، مايقدرش يعمل تاج ليك ، ما يبعتش دعوات ،ما يبعتش رسايل ، يضيفك ، لو متاكد اضغط على بلوك (السهم رقم 6).

7- هاتطلع شاشة زي في الصورة دي و دي الشاشة اللي فتحت معانا في الخطوة رقم 3 و لو لاحظت هاتلاقي الاسم ظهر و جمبه unblock منها تقدر تشيل البلوك اللي عملته لاي حد قبل كده ، اضغط عليه كده 

8- لما تضغط على unblock هاتطلع شاشة زي في الصورة دي وبيقولك متاكد ان انت عايز تشيل البلوك و بيقولك ان الشخص ده هايقدر يشوف التايم لاين ، هايقدر يعمل تاج ليك ، يبعت دعوات ، يبعت رسايل ، ولو عايز تشيل التاج اللي اتعمل لك من قبل الشخص ده شيله من اكتيفتي لوج  ، لو متاكد اضغط على Confirm  (السهم رقم 8).

9- لما تضغط على Confirm  هانرجع للشاشة في الصورة دي و هاتلاحظ ان اسم الشخص اتشال من البلوك 

الدرس خلص اه ، بس انت برضه عليك دور ، شير الصفحة بتاعتنا لكل اصحابك علشان يعرفوا زيك ، زي ما اخدت مجانا ـ، ادي مجانا  

شير لاصحابك و تابعنا على الفيس 

Share on Facebook

Facebook is a registered trademark of Facebook Corporation 

in the United States and other countries.