How to add Synchronized Lyrics to songs ازاي تضيف كلمات لاغنية بالتوقيت

صباحكم سعيد ، 

النهاردة هاقولكم على حاجة يمكن ما تكونش خطرت على بالنا قوي. ايه رايك لو تعرض كلمات الأغاني مع الأغنية نفسها ؟؟ الموضوع ده ينفع برضه في المحاضرات الصوت لو عايز تخلي الكلام يمشي مع اسكريبت مكتوب.

باختصار كده صديقي مش بيعرف يقرا عربي و بيفهمه قليل شوية طلب مني ترجمة لاغنية لراغب علامة (فرغبة مني ان اقوي الصلة بينه و بين اللغة الام :) :)  )

رحت ترجمت له الاغنية و عايز اخليها تتعرض في نفس التوقيت اللي بيغني فيه :)

طيب ايه اللي انا محتاجه علشان اعمل الموضوع ده:

1- ترجمت له الاغنية - و انت تقدر تجيب كلمات للاغنية الاصلية مثلا 

2- برنامج Jet Audio و الصراحة النسخة اللي معايا كاملة :)

3- شوية وقت 

نبتدي

في الاول لازم نعرف ان في نوعين من ال Lyrics اللي ممكن تتحط :

متزامن : اي يتعرض الكلام في بالتوقيت زي الترجمة كده للافلام

غير متزامن : يعني يتعرض الكلام كله مرة و احدة من غير توقيت 

طيب هانعمل ايه

~~~~~~~~~~~

1- شغل الاغنية بال Jet Audio و بعدها و هي شغالة اضغط على F4 او اضغط كليك شمال على اسم الاغنية و اختار Edit Tag

2- من الشاشة اللي هاتطلع ممكن تزود بيانات عن الملف يعني زي عنوانه و مين المغني (3) و الخ الخ

نختار Lyrics سهم (4)

3- في الشاشة اللي جاية
تقدر تكتب فيها كلمات الاغنية في المكان الفاضي (سهم 5) و ده هايعرض الكلمات كلها مرة واحدة على بعض بغض النظر عن التوقيت و ده الغير متزامن اللي قولنا عليه في الاول.
طيب لكن لو عايز تحط الكلمات بطريقة متزامنة يبقى نضغط على الزر رقم 6 زي في الصورة كده 

4- هاتظهر الشاشة دي و دي الشغل كله بيبقى فيها ، دلوقتي هاتحط الكلمات او الاسكريبت اللي عايزه في المنطقة رقم 7 و تراعي فيها انت انك تفصل السطور بينها و بين بعض بسطر فاضي و الا هايعترض لانه مش بيعرض سطور طويلة فلازم تقطعها 

5- بعد ما تنسخ الكلمات لازم تشغل الاغنية من الزر play/pause (سهم 8) و ده تقدر تشغله باختصار الكيبورد F2 و تكون واقف على اول سطر و اول ما المغني يقول تدوس على الزر Insert Time Code (سهم رقم 9) و ده اختصاره بالكيبورد F9 
هو اتوماتيك هاينزل للسطر اللي بعده بحيث اول المغني يبتدي فيه تروح تدوس F9 . طبعا تقدر تقدم و ترجع و تنط للثانية كذا و تعيد تاني من الزراير اللي فوق و اضحة و سهله ما تقلقش.

6- هاتفضل تمشي عليهم سطر سطر لغاية لما تخلص الاغنية و هايكون شكلها شبه حاجة زي كده كل سطر ليه التوقيت بتاعه 

7- في الاخر من قايمة file هاتختار Save Lyrics to tag و ده هايحفظ الكلام اللي كتبناه بحيث المرة اللي جاية لما تيجي تشغل الاغنية هاتشتغل معاها الكلمات و هايلون الكلمات مع التوقيت :)

ده لينك اغنية راغب علامة مترجمة بس (طبعا الواد كره الاغنية من الترجمة )
http://www.mediafire.com/download/b56ulj9rcbz0hkl/mawaly_ragheb_3lama_nassiny-el-donia.mp3

شير بقى لكل اصحابكم في كل حتة و تابعونا على الفيس و على الجوجل بلس :)