عن الصفحة
عن الصفحة:-
الصفحة فكرتها بدأت عندي من تكرار الاسئلة اللي بتسألها من الاصحاب و الزملاء في العمل ، لذلك قررت اني اعمل شيء يكون متاح للكل و يقدر اي حد يستفيد منه و خصوصا ان الاسئلة اللي بتطلع من الشغل اليومي غير الاسئلة العادية اللي ممكن تلاقيها في اي مكان لكن ساعة الجد ممكن تقابلك مطبات كتير وبتكون الاسئلة حلوة.
المهم لترجمة ده كله بقى كتطبيق عملي عملت صفحة Ask Mr Geo على الفيس بوك بحيث ان كل اصحابي و اي حد يقدر يشوف التحديثات بتاعتنا و يبعت اي سؤال.
واخترت اني اكتب بالمصرية العامية (لغتي طبعا) لانها اقرب لكل الناس و بدل ما نقع في موضوع الترجمات اللي بتقصر و ممكن اقف في كلمات بعينها.
هدفي ان يكون الموقع زي دليل لاي حد بيشتغل كومبيوتر عمليا يلاقي فيه حل لكل المشكلات ان شاء الله و نوصل على 2020 لاكتر من 100000 مستخدم للموقع
"ان شاء الله :) "
بمرور الوقت كنت بلاقي قيود على استخدامي الفيس بمعنى اني عايز اعرض اكتر من صورة لموضوع معين كانت الحكاية دي مش بتنفع انهم يتعرضوا في نفس الصفحة و بنضطر نفصله في البوم لوحده.
علشان كده عملت المدونة دي من جوجل منها انها مجانية و منها انها بتعرض الاحصائيات كويس زي الفيس و بكده اقدر اشرح و احط صور في مكان واحد.
دورك انت ايه بقى؟؟
دورك انت
- لو عندك سؤال ابعته و انا هارد عليك و لو معرفتش هادور معاك على حل
- ليك اي تعليق ما تترددش و اكتبه على طول
- عندك طريقة تاني لاي حل: قول عليه و ننشره لخدمة الناس
- شير الصفحة بتاعتنا لكل اصحابك علشان الفايدة تعم الكل
دي كانت الفكرة و الرؤية و الهدف ان شاء الله يكون الموقع من اكبر المواقع الناطقة بالعربية لخدمة المستخدمين الناطقيين بالعربية في اي مكان
جورج ليون
مصر ،
يونيو 2012
تعليقات