install drivers- p1- install driver to any network card

هلا بيكم تاني وصلنا استفسار من صديق الصفحة JoSeph Melad بيسال فيها عن ازاي اخد نسخة احتياطي من التوصيفات و ازاي اقدر اوصف كروت في الكومبيوتر مش موجودة عندي.

قبل ما تكمل ، ماتنساش تعمل شير للصفحة بتاعتنا ، مجانا هاتتعلم ، مجانا ادي غيرك :)

• الاول نعرف يعني ايه تعريف/توصيف Driver :الدرايفر ده برنامج بيعرّف الكومبيوتر ازاي يستخدم الجزء الجديد اللي اتوصل بيه ، يعني لما تشتري كاميرا و توصلها للكومبيوتر ازاي الكومبيوتر هايعرف انها كاميرا؟؟؟ في برنامج بيكون مسئول عن ده و بيقول للكومبيوتر دي كاميرا وازاي يستخدمها و ازاي يطلب الصورة بتاعتها و هكذا ... و زي الكاميرا البرينتر و الاسكانر و كروت الشاشة و الدش الخ الخ الخ 
• النقطة التانية / اجيب منين الدرايفر ده :
  في الغالب مع الجهاز او الكارت بيجي اسطوانة فيها التعريفات / التوصيفات لكن دلوقتي مثلا اللاب توب الايام دي بتنزل له التوصيفات من الانترنت علشان الشركة المنتجة تضمن انك تاخد اخر تحديث للتوصيف المطلوب من موقعها و انك تزور الموقع بتاعها يمكن تشتري حاجة تاني :)
• طيب انا عندي مشكلة في التوصيفات و مش عارف اجيب البرنامج بتاعها اعمل ايه؟؟؟؟ او عندي جهاز شغال و عايز انزل له ويندوز و مش معايا التوصيفات ايه الحل ؟؟؟ او اشتريت لاب او كومبيوتر جديد و مش عارف اوصف حاجة ايه الحل ؟؟؟
• في طريقتين لحل المشكلة دي : 
• السيناريو الاول : لو انت عندك انترنت و تقدر تنزل التوصيفات (مستحسن) 
• السيناريو الثاني : ما عندكش انترنت و هاتستخدم اسطوانات التعريفات الكاملة

هانشرح السيناريو الاول والسيناريو التاني على شكل مسلسل علشان بس الموضوع ما يبقاش ممل :

في الطريق الاولى / انا عندي انترنت بس حتى كارت WAN or LAN مش متعرفين نعمل ايه ؟؟؟؟ 

سيناريو الطريقة / هانوصف الانترنت بحيث يشتغل و بعد كده انزل التوصيفات المطلوبة

1- نزل البرنامج الرائع ده 3DP Net البرنامج ده فيه توصيفات كل كروت الشبكة سواء واير او وايرلس ، انا عن نفسي حاطه على الفلاشة بتاعتي مش بامشي من غيره حجمه تقريبا 74 ميجا  و بيتحدث كل شوية بالكروت الجديدة ، اثبت معايا كفاءة 100 % في تعريف كل الكروت اللي قابلتها و موجود في اسطوانة Hiren و النسخة الجديدة منه بتدعم العربي و فوق ده كله ببلاش.

2- بتنزل البرنامج  و تشغله دي اول شاشة : في الشاشة دي بيقولك انه هايفرد ملفات البرنامج في مكان زي ما مكتوب (في الغالب في الدرايف C) و تقدر بعد ما نخلص تمسح الفولدر ده 

 3- يفضل يحمل زي في الصورة  

  4- بعد ما يخلص تحميل هاتلاقي البرنامج اشتغل (هنا اختار لوحده اللغة عربي طبقا للويندوز) و جايبلك علامة كارت الشبكة و نوعه هنا مثلا ظهر عندي كارت LAN "اللان" من نوع Qualcomm Atheros و لو فيه واي فاي هاتلاقي جمب اسم كارت الشبكة علامة + تدوس عليها تظهر لك كارت الشبكة ،  و تقدر توصفها 

5- مجرد بتضغط على اسم كارت الشبكة بيبتدي تحميل البرنامج بتاعه ويوصفه

6-بكده يكون كارت الشبكة اتوصف و منه نقدر نستخدم برنامج تاني لباقي التوصيفات و ده هايكون في درس جديد ان شاء الله نظرا بس لظروف سفري و مايكونش الموضوع طويل.

الدرس خلص اه ، بس انت برضه عليك دور ، شير الصفحة بتاعتنا لكل اصحابك علشان يعرفوا زيك ، زي ما اخدت مجانا ـ، ادي مجانا  

شير لاصحابك و تابعنا على الفيس 

As free you read, free share with your friends what you get :D

Share on Facebook