Choose Between Different Core I processors

اهلا بيكم مرة تاني و اسف للغياب عن المدونة ، لانشغالي الفترة السابقة في عمل بعض برامج للاندرويد ( هاحكي لكم عن الموضوع ده حاضر ) ، النهاردة جه سؤال من صديق الصفحة :     Ibrahem Hasan  :

السلام عليكم
عاوز اشتري معالج جديد
كور آي 3
إذا اللوحة الأم عندي راكب عليها كور 2 ديو
مايركب عليها كور آي 3
وأي المعالجين أفضل للألعاب

قبل ما تكمل ، ماتنساش تعمل شير للصفحة بتاعتنا ، مجانا هاتتعلم ، مجانا ادي غيرك :)

• مبدئيا ( مقدمة لابد منها ) ::
   اختيار البروسيسور "المعالج" و تحديثه من موديل لموديل هو اهم سؤال ممكن تفكر فيه لما تشتريت او تحدث جهازك ، لان البروسيسور هو المحرك (الموتور) للكومبيوتر بتاعك و على اساسه بيفرق جدا اداء الجهاز و اكيد هذا الفرق هايكون مأثر على التكلفة.
  ضروري نعرف ان في السوق في شركتين هما اللاعبين الاساسيين في سوق البروسيسورز Processors  هي شركة Intel  و شركة AMD و ان كانت شركة أنتل هي الاكثر شهرة في الشرق الاوسط و تتمتع بشعبية كبيرة في العالم 
  
  
  

  
  
  
  
  و دلوقتي احدث حاجة نازلة من شركة انتل هي المعالجات Core I3 , Core I5, Core I7 حتى كمان البروسيسورات دي نزل منها اجيال بداية من الجيل الاول و انتهاء في 2013 بالجيل الرابع.
  قبل البروسيسورات ال "كور أي Core I " كان في بروسيسور اسمه ال Core 2 Duo  و ده حقق شعبية كبيرة جدا نظررا لقوة ادائه في العاب و برامج كتير لدرجة ان مقارنته بالجيل الاول من ال Core I3 الاحدث منه كانت تضعه في المقدمة.
  
  
  نفهم :: معنى كلمة Core  و ايه المقصود بال Core 2 Duo  و Core I3 , Core I5, Core I7؟؟؟
  كلمة Core هو بيقصد بيها داخل البروسيسور ، البناء بتاعه ازاي من جوه فمثلا  Core 2 Duo   بيقصد بيه بروسيسور ثنائي النواة (يعني كانه 2 بروسيسور مع بعض على نفس الشريحة ) و ده علشان يزود الاداء الخاص البروسيسور و الجهاز و يقدر يخليك تشغل حاجات اكتر مع بعض في نفس الوقت.
  بالمثل   Core I3 , Core I5, Core I7هي بروسيسورات متعددة النواة على نفس الشريحة لكن بتقدم مميزات اكتر من الموديل السابق لها فمثلا الجدول التالي بيبين الفرق بين البروسيسورات و Core I3 , Core I5, Core I7
  ملحوظة الصفوف المظللة بالاخضر هي اللي فيها اختلافات
  
  
  
  
  
  
  
  
  
  
  
  
  
  
  
  
  
  
  
  
  
  
  

* طبعا اكبر فرق بين الكور 2 ديو و الكور اي ان في الاخير في معالج مساعد للرسوم.

* في الاغلب المازر بورد "اللوحة الأم" التي تعمل على الكور 2 ديو لن تعمل مع الجيل الرابع او الثالث من Core I3 , Core I5, Core I7 و ارى انه يجب ان تغيرها لتستفيد من الامكانيات الخاصة بالبروسيسور الجديد.

* بالنسبة للالعاب اعتقد انك ممكن تحقق اداء افضل سواء غيرت البروسيسور او لا ، عن طريق شراء كروت شاشة ، في انواع تصل ل 900 جنيه مصري و في اغلى كمان على حسب الذاكرة الخاصة بكارت الشاشة ، ده ممكن يكون حل سريع و رخيص نسبيا بالنسبة لتغير اللوحة الام و المعالج .

* اعتقد ان البروسيسور Core I5 هو حل وسط ممكن تشتريه لو الماديات تسمح

في النهاية يارب اكون وصلت لكم معلومة جديدة بشكل مبسط ، في انتظار اسئلتكم و مشاركتكم للموضوع مع اصحابكم

الدرس خلص اه ، بس انت برضه عليك دور ، شير الصفحة بتاعتنا لكل اصحابك علشان يعرفوا زيك ، زي ما اخدت مجانا ـ، ادي مجانا  

شير لاصحابك و تابعنا على الفيس 

As free you read, free share with your friends what you get :D

Share on Facebook