Sharing in Windows 7

موضوعنا اليوم ازاي اعمل شير "Share" للفولدرات بتاعتي على الشبكة بحيت ان اخلي اللي معايا على الشبكة يقدروا يستخدموا الملفات اللي في الفولدر او يضيفوا اليها.

طبعا الشير بيتعمل للكومبيوترات اللي على شبكة Network .

في الطريقة دي الاسهل بنعمل شير للفولدر عن طريق الخطوات دي نعمل كليك يمين على الفولدر اللي عايزين نشيره

1- نختار Share with زي في الصورة

2- نختار Specific People زي في الصورة وده بنختاره علشان نحدد مين يقدر 

يشوف الفولدر على الشبكة 

بتظهر لك الشاشة زي كده و منها 

3- نضغط على سهم الكومبو بوكس و نفتح الليستا 

في الطريقة دي احنا هانفتحها لكل اللي معانا على الشبكة علشان كده هانختار Everyone 

4- بمجرد الاختيار ها تلاقي زر Add اتنشط و نعمل كليك عليه (طالما ماقلتش كليك يمين يبقا على طول شمال :) )

يفضل نحدد الصلاحيات اللي هانديها للناس اللي هاتدخل على الفولدر ده يعني ها يقدر غير في الفولدر اللي معمول له شير و لا لا ، لاحظ ان كلمة يغير (Read/Write) نقصد بيها 

1- عمل ملف او فولدر جديد

2-مسح ملف او فولدر

3- تغيير اسم ملف او فولدر

4- عمل كوبي في الفولدر بتاعي لملف او فولدر

5- عمل كت في الفولدر بتاعي لملف او فولدر

6- يغير في محتويات ملف موجود عندي 

علشان نحدد الخاصية دي بنختار ان كان الفولدر يكون للقراءة فقط Read او كمان يقدر يغير فيه Read/Write

بنفذ الخطوة 

5- نضغط على السهم الاسود زي ما في الصورة "السهم 5"

بتظهر قائمة صغيرة فيها الاختيارات

Read الفولدر للقراءة بس

Read / Write الفولدر يقدر يغير فيه

Remove يشيل اليوزر ده من الشير - يعني يلغي الشير 

6- بعد ماتختار الحاجة اللي تناسبك اضغط على Share

الخطوات اللي جاية هانعملها علشان نضمن ان الشير يفتح على اي نظام تشغيل 

ويندوز زي اكس بي

7- افتح علامة الشبكة اللي موجودة في التاسك بار Taskbar زي في الصورة و 

اختار منها Open Network and Sharing Settings

8 - هاتطلع شاشة زي اللي في الصورة كده اختار منها من على الشمال الاختيار رقم 

8 في الصورة Change advanced sharing settings

هاتفتح شاشة زي اللي في الصورة اللي تحت دي فيها اختيارات هانعملها زي ما في 

الصورة ،في حاجات هانفعلها و حاجات تاني نقفلها :

الاختيار 9 : نختار Turn on وده يفتح الاستكشاف في الشبكة بحيث يدور على 

الفولدرات المتشيرة على اجهزة تاني

الاختيار 10 : نختار Turn on وده بيفعل الشير من اساسه للملفات و البرينتر

الاختيار 11: نختار Turn on وده بيفعل ان اي حد على الشبكة يقدر يدخل على 

الشير فولدر عندي

الاختيار 12: نختار Turn off وده بيلغي طلب الباسوورد عند فتح الشير وده من اهم 

المشكلات اللي بتقابلك لو بتدخل على الجهاز من ويندوز XP

في الاخر بنضغط على Save Changes و بكده تقدر تدخل على الشير من اي 

ويندوز تاني

تعليقاتكم و اسئلتكم اهلا بيها و شير الموضوع لاصحابكم للفايدة تعم

Windows is a registered trademark of Microsoft Corporation in the United States and other countries.